【實用教學】性病檢測包到底點用？圖文示範教學使用步驟 + 客人常見疑問

我哋收到唔少關於性病檢測包疑問嘅DM，今日就一次過解答大家！帶大家睇吓產品嘅包裝同埋圖文示範使用步驟！

Genesprint性病檢測包有沙眼衣原體、淋病、梅毒、愛滋病、陰道滴蟲 五款，最近仲有一個新出嘅五合一性病自我檢測盒更可以一盒五款全部檢查。

我哋一齊睇睇外包裝先。佢嘅Size比口罩仲細。

外盒有2cm厚，拆咗包裝都係得5mm厚。

細細盒都方便放入袋。

Genesprint性病檢測通過CE認證，有高達98%嘅準確度。將收集體液樣本（例如口水或尿液等）滴入測試棒，唔洗再桔手指驗血，五分鐘就做好性病檢測。

如果用尿液檢測，可以先將尿液用杯載住，之後用吸管直接滴入落紫色樽，搖均後直接滴落測試收集窗口，等幾分鐘就可以睇到兩條線或一條線。

如果用口水檢測，需要朝早起身時未刷牙未飲水既口水，之後將落口水滴入或吐落紫色樽，搖均後直接滴落測試收集窗口，等幾分鐘就可以睇到測試結果。

檢測嘅原理就好似我哋check新冠肺炎一樣咁簡單方便。每款都可以檢測到相關嘅病毒，只需要用體液滴落檢測棒，等幾分鐘就可以睇到兩條線定一條線。

以下亦解答埋客人常見疑問～

Q：性病檢測包邊度有賣？係咪得網上先有？

答：19Toys 門市或者網上都有賣㗎！性病檢測傳送門：（按此到達性病檢測專區）

Q：用尿液或口水檢測邊樣準確啲？

答：都係一樣嘅，我哋主要睇尿液或口水之中有冇含性病病毒，用尿液或口水睇測試結果有冇兩條線都係一樣。

Q：如果尿嘅顏色太黃影響嗎？

答：其實無關係嘅，測試棒主要分析尿液中的成分，顯示尿液結果有冇兩條線，所以咩顏色都係一樣嘅。

Q：如果我進行過高風險嘅性行為，係咪檢查完陰性就代表冇事

答：唔係㗎！其實有啲性病係有潛伏期㗎！

有啲性病例如愛滋病係需要3個月製造病毒抗體。如果檢測完陰性，都未一定確定冇事，患者可能已受到感染但身體尚未製造抗體。所以建議三個月內再驗多一次。

唔知以上嘅內容解唔解答到大家呢？如果仲有其他疑問都歡迎繼續DM我哋㗎！